يعطي ريبال هنا تمارين فيها الصوت المستعار و العادي في الغناء.

ريبال خضري:

"مرحبا، أنا ريبال من إعزف دوت كوم.

الدرس اليوم اللي كمان بدي أحكيه بدي أجرب إني أنا أعمل عرب على حرف ألف، و بدي أحاول أنوع بهاي العرب بين الصوت الطبيعي و الصوت المستعار، يعني (يقرأ الأستاذ ريبال التمرين قراءة ايقاعية)، إنتبهوا كتير، أنا اللحن الأساسي هو (يقرأ الأستاذ ريبال التمرين قراءة ايقاعية)، أنا راح أعمله (يقرأ الأستاذ ريبال التمرين قراءة ايقاعية). 

شايفين، في صوتين عم بيشتغلوا، هنن الصوت الفيك أو المستعار مع الصوت الطبيعي، عم بيكون الصوت الفيك بالموسيقى ممكن نلاقيه علنوته مكتوب متل إشي بنسميه أباتشادور، اللي هو عباره عن نوته صغيره، فأنا أعرف إن أنا بدي أعمل حركه قبل النوته الأساسيه، النوته الأساسيه (يقرأ الأستاذ ريبال التمرين قراءة ايقاعية).

أنا بدي أعمل (يقرأ الأستاذ ريبال التمرين قراءة ايقاعية)، تمام، فأنا ممكن أعملها بفيك فويس لحتى تعطي جماليه أكتر (يقرأ الأستاذ ريبال التمرين قراءة ايقاعية)، مع التمرين أكتر راح أصير قادر إني أنا إقدر إنقل بسرعه بين الفيك و بين الصوت الطبيعي (يعزف الأستاذ ريبال التمرين)، مثال (يقرأ الأستاذ ريبال التمرين قراءة ايقاعية)، هلأ فيني أخليه أعقد شوي (يقرأ الأستاذ ريبال التمرين قراءة ايقاعية).

فيني أحركها أكتر قبل ما أحطها (يقرأ الأستاذ ريبال التمرين قراءة ايقاعية)، بدي أحاول إني أخليها تكون صح (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية)، لأ لازم تكون النوته بالضبط (يقرأ الأستاذ ريبال التمرين قراءة ايقاعية)، بدي أنتبه إن حتى الفيك فويس أنا قادر أتحكم فيه و أخليه يكون عريض ما أخليه يكون رفيع، يعني ما أخليه يكون (يقرأ الأستاذ ريبال التمرين قراءة ايقاعية)، لأ، أحاول أخليه يكون أقرب للصوت الطبيعي، فما يفرق كتير (يقرأ الأستاذ ريبال التمرين قراءة ايقاعية).

تمام، هلأ هادا الصوت الفيك عادةً بيكون موجود بالأغاني بس بشكل بسيط، بدي أنتبه غن بالأغاني العربي مش كتير محبذ إني أنا أزود الصوت الفيك حتى لو كان كعرب، بس أنا ممكن كتدريب إني أنا أتدرب أكتر شوي ضمن التدريب، بس بالغنى لازم نحاول نحافظ عثبات صوتي، بأوقات نضيف عليها من الفيك فويس، هلأ بيصفى إني إحكي عن نقطه مهمه، في كتير ناس بتبعتلي أحياناً مقاطع فيديوهات بتقلي إن هادا الصوت كيف بيطلع، طبعاً بيكونوا باعتينلي فيديوهات مثلاً من الصين أو أذربيجان أو من إسطنبول، ممكن يكون من تونس، من حتى من لدول اللاتينيه، بيقولولي مثلاً إن هاي العربه أو هادا النمط من الصوت كيف بيطلع، هلأ أنا عندي جواب كتير بسيط، إن الغناء العربي هي من أكتر الأغاني اللي هي متركزه بالغناء بصوت الحنجره، بالغنى الطبيعي مش بالـ يعني مش بالعرب، لأ، بطبيعي إني أنا عم بغني اللحن بشكله الطبيعي بيكون صوت الحنجره، لما أنا بتجه باتجاه شعوب الشرق أكتر، بلاحظ إن صوتهم الطبيعي أو الصوت الغنى الطبيعي عندهم معتادين إن هم يضيفوا عليه فيك فويس أكتر فأكثر فأكثر لدرجة إن أنا ممكن أوصل لتايلاند و لليابان و لإيران (يقرأ الأستاذ ريبال التمرين قراءة ايقاعية).

بيكون طبيعة الصوت آخده أكتر على البوزيسيون فيك أكتر أو بوزيسيون مزيف أكتر، تمام، بيكون في كتير دمج بعض الشعوب متل ما عم بنحكي على موسيقى أذرابيجان مثلاً ممكن يكون عم بيعطيني (يقرأ الأستاذ ريبال التمرين قراءة ايقاعية)، بيكون في كتير ممتد و الناس بتحب هادا الإشي بأذربيجان (يقرأ الأستاذ ريبال التمرين قراءة ايقاعية)، معتادين إن هو يكون فيه عرب أكتر، إذا اتجهنا لتركيا ممكن انلاقي إن الصوت عم بيروح أكتر باتجاه الصدر، بس عم بتضل العرب الفيك موجوده، إذا رحنا باتجاه شعرب الغرب هلأ، راح نلاقي إن هم بيحاولوا يغنوا من صوت الراس أكتر، يفصلوا بين صوت الراس و صوت الفيك، مشان هيك بنلاقي قسم الأوبيرا اللي هو عباره عن صوت صدري مع توسيع مع فيك فويس، بنلاقي الجهاز مثلاً بيكون عباره عن صوت رأسي مع صوت هوا (يقرأ الأستاذ ريبال التمرين قراءة ايقاعية).

دائماً أسلوب الصوت بيكون صوت هوا أكتر، البوزيسيون بيكون رأسي أكتر ما هو يكون صوت فيك، بتمنى أكون إقدر أعطيتكم وجهة نظر صغيره كيف تختلف العرب الصوتيه من بلد لبلد آخر، و برجع بأكد على نقطه كتير مهمه اللي هو اللّفظ ثم اللّفظ ثم اللّفظ ثم اللّفظ و أنا عم بغني غناء عربي، لإن اللغه العربيه فيها كتير من الحروف الصعبه ياللي لازم نكون مهتمين كتير فيها.

شكراً."